قصة الشجاعة منّة مصالحة قصة الشجاعة منّة مصالحة

قصة الشجاعة منّة مصالحة

عمري 10 سنوات

سكريّة من 4 سنوات تقريبا
قصتي بلشت لما كنت بصف الاول وبالضبط بشهر 10... 
بيوم من الايام وفجأة حسيت حالي مريضة وجسمي تعبان، قلت لماما تفحصلي درجة حرارتي بس كانت درجة الحرارة عادية. ماما حسّت انه في اشي مش مزبوط فقررت توخدني عند الدكتور ولما رحنا الدكتور قال لماما انه هادا فيروس عادي وبس تراقب الحرارة اذا بتعلى... بس بالليل متأخر ماما صحتني لأنه سمعت صوت نفسي عالي كتير وحكتلي ماما انه كانت ريحة نفسي قوية كتير زي ريحة "الأسيتون" ولما جربت اقوم عن التخت وقعت وما حسيت الا وانا بالمستشفى وسمعت الدكتور بقول لماما وبابا انه عندي السكر 420 وما بنسى اني ما كنت قادرة احكي بس شفت ماما تبكي وبابا قلقان كتير وبتطلّع على الدكتور وهو مستغرب كتير ...
بعد كم يوم وبعد ما تحسنت شوي ماما وبابا شرحولي وحكولي شو صار معي، بالأول فكرت انا السبب وقلت يمكن عشان اكلت حلويات كتير بس بعدين فهمت انه لا... لانه هادا الاشي من رب العالمين وممكن يصير مع كتير اطفال بعمري وانه انا لازم انظم اكلي واخد ابر الانسولين على الموعد، طبعا ما فهمت وخفت ... ومن هاي اللحظة ماما وبابا قرروا يضموني لجمعية الشجعان عشان افهم اكتر واعرف انه انا مش لحالي وعشان اتغلب على هادا الخوف...
ومن يومها وانا فرحانة ومبسوطة وواثقة من نفسي وما بخجل انه اعمل فحص سكر واخد الابرة قدّام اي حدا .... لانه مع دفشة من جمعية الشجعان ودفشة من اهلي انا صرت ورح اصير اقوى وشجاعة اكتر ...